దినచర్య

[ శశిధర్ పింగళి ] 

ఆకాశద్వారాన్ని - ఆశా కుసుమాలతో

అందంగా అలంకరిస్తున్నారు..

లేలేత పాదాలతో నడిచి వచ్చే

ఆ వెలుగుల రాయనికి

సముద్రజలాల తో అభిషేకించి స్వాగతం

పలుకుతున్నారు ..

అతని రాకతో పులకరించి

సిగ్గుతో బుగ్గలు ఎరుపెక్కిన

సంధ్యా సుందరి - నుదుట

సింధూరం దిద్దుకుంటోంది

జగాన్ని జయించినా

క్షుత్తును జయించలేని

మనిషి - జానెడు పొట్ట జేతపట్టుకుని

బ్రతుకు పోరాటానికి-బాహాటంగానే

బయలుదేరుతున్నాడు

పొద్దువాటారిన మలిసంధ్యలొ

సాయంకాలపు చల్లగాలులు

మోసుకొచ్చె పరీమళాల మత్తులొ

అనుభవాలను అల్లుకుంటూ

ఙ్ఞపకాలను నెమరువెసుకుంటూ

పరుచుకుంటున్న చీకటి కి

పక్కలు పరుస్తూ - రేపటి వెలుగు కోసం

వాకిటిలొ ముగ్గులు సిద్ధం చేసుకుంటున్నారు..

ఆశల వలయంలో ఆనందక్షణాలని

వడిసిపట్టి ఙ్ఞాపకాల పేటికలొ

భద్రపరుస్తూ .. రేపటి

పోరాటానికి బలాల్ని సిద్దంచేసుకుంటున్నారు.