ఉగాది పాట !

   [సేకరణ: శశిధర్ పింగళి]

చల్లగా వచ్చింది - సంవత్సరాది

కొల్లగా తెచ్చింది - క్రొత్త వింతలను

గండుకోయిల పాట - కమ్మనీ పాట

వరవడైపోయింది - బాల వృద్ధులకు

తలంటి పోసింది - పిలచి అమ్మమ్మ

ప్రేమతో పెట్టింది - వేప ప్రసాదం

సరికొత్త పరికిణీ జాకెట్టు తెచ్చే

మామయ్య కంటేను మంచి వాడెవడు

నేటి సంతోషమే - యేటి సంతోషం

తమ్ముడూ నేనూను - తట్టాడు కోము

నల్లనీ వాడవూ - నా చిన్ని కృష్ణా !

యేడాది పొడవునా - యేలుకోవయ్యా !!